第二屆 • 曲譜
《竹韻新音：經典傳承》－〈五娘相思〉【都馬調】
〈五娘相思〉
出自劇目：《竹韻新香：經典傳承》
原曲調：【都馬調】
作者：林金泉
演唱：林美香
教材製作：2024
民權歌劇團授權提供
【都馬調】
阮一日若沒看阮三哥的面，
腳酸手軟烏暗眩，親像彼隻孤雁找無陣，
按怎整日這麼無頭神。
阮頭鬃也無愛梳整，衫褲也無愛換新，
若會當和阮三哥來鬥陣，親像嘴乾茶來喝。
三哥兩字親像刻在阮腦印，
阮三魂七魄隨在哥的身，
有時聽人在講話，恍惚是聽做三哥的聲音，
我若睏去也夢見三哥在我的面前，
我若不睡也不願爬起來看孤燈。
三哥啊，你那會迷人精神，會讓人移情動性，
你迷阮的神魂哪～亂阮的心。
📑