第四屆 • 示範音檔
雜唸調
【雜唸調】
作詞｜劉秀庭、編腔｜周以謙
編曲｜周以謙
演唱｜龔俊杰
安童哥啊囉，一時有主意，嗆嗆行咿都嗆嗆去，
菜籠仔揹起來款菜味，小姐欲請官人伊。
連步行到大菜市，目睭眨眨睨，
彼爿看過來，又擱這爿看過去，
開步來到魚架仔邊，
虱目仔厚暗刺，烏甕串紅記記，著問一斤偌濟錢？
賣魚仔兄著應伊，虱目仔一斤兩箍二，
串仔一斤八箍四，總卯算你較便宜。
魚仔買好換買肉，三層割條（liâu）通白煠（sa̍h），
腿庫佮筍絲是真合，豆油冰糖著買來加。
安童哥啊囉，配料真正摮，三絲丸買來焄菜頭，
烏魚子、螺仔肉通佮車輪鮑，冷盤排好著真腥臊。啊欸～～欸～～